Belê in jouself!
Belê in jou toekoms.Ons program is tien maande lank en gevul met visie, doelwitte, avontuur en uitdagings om nie net jou leierskappotensiaal te ontdek nie, maar om jou ook te help om die insig en vermoë te ontwikkel om verantwoordelike en ingeligte besluite rondom jou toekoms en loopbaanrigting te neem.
ONS PROGRAMVENNOTE
Persoonlikheids- ontwikkeling
Loopbaanvoorligting en begeleide loopbaankeuses is in die program ingebou.
Jou aanleg en belangstellings word individueel deur ’n bedryfsielkundige bepaal. Jy gaan ook die geleentheid kry om meer oor ’n spesifieke beroep uit te vind deur vir ’n dag of twee saam met suksesvolle persoon in daardie veld deur te bring.
Opstel van CV’s:
Een van ons doelwitte is om jou te help bou aan ’n indrukwekkende CV. Sertifikate word dus toegeken vir al die kursusse wat deur die loop van die jaar voltooi is en benewens opleiding in die opstel van ’n CV, kry jy ’n professioneel opgestelde en gebinde CV wat al die kursusse van jou ATKV-Postmatriekjaar insluit.
Straatskerp
Die volgende lewensvaardighede gaan jou selfstandig maak en selfvertroue vir die grootmenswêreld gee
- Algemene regsbeginsels
- Persoonlike finansies en begroting
- Entrepreneurskap
- Basiese besigheidsbestuur
- Projekbestuur
- Etiket
- Die aanleer van Zoeloe
- Algemene beginsels in Afrikaanse skryfkuns
- Seksualiteit
- Wapenvaardigheid
- Selfverdediging
- Basiese doen-dit-self-vaardighede
- Kompas-, kaart- en GPS-navigasie
- Veldkookkuns
- Huishoudelike vaardighede (kosvoorbereiding, huishouding)
Avontuur
Ons gewilde avontuursegment sal jou help om nie net jou verse te oorkom nie, maar om ook selfvertroue te bou.
- Bergfietskursus
- Skubaduik
- Stap- en wildernis-ekspedisies
- Perdehantering en ruiterkuns
- Witwaterroei (River rafting)
- Abseil en rotsklim
- Avontuurresies en -oriëntering
- Jag- en slagkuns
- Kampkuns
- Avontuurfasilitering en -aanbieding
- Veldoorlewing
- Noodhulp: vlak 1 en 2
- Voël- en boomidentifikasie
Pret
Die ontwikkeling van sosiale- en kommunikasievaardighede is baie belangrik in die geheelontwikkeling van studente.
- Kultuurervarings
- Bergfietstoer
- Buurlanduitstappies na Lesotho, Mosambiek en Botswana
- Omgewingsleer
- Geskiedenis
Akademie
Jy kan een van die onderstaande geakkrediteerde aanlyn kursusse tydens jou ATKV-Postmatriekjaar voltooi. Só word krediete bymekaar gemaak vir die rigting waarin jy belangstel of jy kan bloot net meer leer oor ’n spesifieke veld en boonop aan jou indrukwekkende CV werk.
Geakkrediteerde aanlyn kursusse:
- Advanced Microsoft Excel | PowerPoint | Word
- Beginner Microsoft Excel
- Cyber Security Fundamentals
- Emotional Intelligence
- Events Management
- Human Resource Management
- Intermediate Microsoft Excel Introduction to Bookkeeping
- Labour Law
- Managing Social Media
- Risks Mitigating Failure in Project Management
- Online Personal Branding
- Principles of Graphic Design
- Foundations of Teaching Grade R
- Teaching Remedial Learning
- Adobe Design Applications: Illustrator | InDesign | Photoshop
- Introduction to Photography
- Mind power for Successful Managers
- Principles of Active Citizenship