Dit het my sielkundige voorberei op die grootmenswêreld wat op my wag. Dit het my buite my gemaksone geplaas en my as’t ware geleer om in ’n span te werk.

“Dis nie altyd maklik daarbuite nie en daarom het dit uitstekend gewerk dat ons in posisies geplaas word waarin ons die situasie self moes analiseer en besluit dat jy sterk genoeg is om hierdeur te kom. Ek het wonderlike vriendskappe gesmee en het ook die geleentheid gekry om seker te maak van my loopbaankeuse.”

“Elke avontuur het sy eie lesse gehad en ek het veral geleer om dankbaar te wees oor die kleinste dingetjies. Ek het waardering vir die manier waarop ek hierdie jaar kon groei en leer. Dit was ’n fees!”

“’n Mens moes dit maar op die harde manier leer. Vir my was dit ook merkwaardig om te sien hoe die wêreld meteens vir my oopgegaan het. Aan die einde van die program het ons ook besef dat niemand anders meer vir ons nuwe geleenthede gaan skep nie. Jy sal dit maar self moet doen.”